Devirahasya 49.3.2

49.3.2

mārtaṇḍabhairavāya prakāśāśaktisahitāya eṣa te'rgho namaḥ | iti sūryārghyatrayaṃ dattvā vāso'nyat paridhāpya, tattvatrayeṇācamya triḥ prāṇāyāmaṃ vidhāya, pūrvasaṃdhyāṃ kṛtvā ṣaḍaṅgaṃ kṛtvā, culukena jalamādāya tattvamudrāḥ ācchādya yaṃralaṃvahaṃ iti trirabhimantrya mūlamuccaraṃsta dralitodakabindubhiḥ saptadhā svaśirasyabhyukṣya, savyahaste śeṣamudakaṃ dhṛtvā iḍayāntarnītvā dehāntaḥ pāpaṃ prakṣālya piṅgalayā virecya, puraḥkalpitavajraśilāyāṃ vāmataḥ phaḍiti nikṣipet | ityaghamarṣaṇaṃ vidhāya pūrvavadācamya, jale yantraṃ dhyātvā mūlaṃ yathāśaktyā japtvā, mūlavidyānte sāṅge savāhane sāyudhe saparicchade śrīnīlakaṇṭhasahite mātardurge tṛpyatāmityaṣṭavāraṃ saṃtarpya nīlakaṇṭhaṃ triḥ saṃtarpya, ekaikāñjalinā parivāradevatāḥ saṃtarpya, devadevyau hṛdi dhyātvā, jale caturaśraṃ vilikhya, tatreśānādikrameṇa gurupārṅgaṃ saṃtarpya devīṃ gāyatrīṃ japet | oṃ hrīṃduṃ durgāyai vidmahe aṣṭādaśarāyai dhīmahi tannaḥ caṇḍī pracodayāt | iti yathāśaktyā prajapya, gāyatryānayā devadevayorarghatrayaṃ dattvā japaṃ samarpya, yāgamaṇḍapamāgacchet | iti saṃdhyāvidhiḥ
tato gṛhamāgatya pādau prakṣālya dvāradevatāḥ pūjayet | oṃ gāṃ gūṃ gaṇeśāya namaḥ pūrve | oṃ kṣāṃ kṣīṃ vaṭukāya namo dakṣiṇe | oṃ kṣāṃ kṣeṃ kṣetrapālāya namaḥ paścime | oṃ yāṃ yūṃ yoginībhyo namaḥ uttare | gaṃ gaṅgāyai namo dehalyāṃ | yāṃ yamunāyai namaḥ adhaḥ | sauḥ sarasvatyai namo madhye | iti