Pramāṇa · Search · About · API

Dashamahavidya 16.p10

Daśamahāvidyā 16.p10

Language
Sanskrit

16.p10

ujjambhāmbuja paṅkakāntanayana snigdha prabhālokinīṃ| ye tvāmamba na śīlayanti manasā teṣāṃ kavitvaṃ kutaḥ|| ye tvāmpāṇḍura puṇḍarīkapaṭala spaṣṭābhirāmaprabhāṃ| siñcantīmamṛtadravairiva śiro dhyāyanti mūrdhni sthitām|| aśrāntaṃ vikaṭasphuṭākṣarapadā niryāti vaktrāmbujā| teṣambhārati bhāratī surasaritkallola lolormmivat|| ye sindūraparāga puñjapihitāṃ tvattejasā dyāmimā| murvīñcapi vilīnayāvakarasa prastāramagnāmiva|| paśyanti kṣaṇamapyananya manasasteṣāmanaṃga jvara| klāntāstrasta kuraṃgaśāvakadṛśo vaśyā bhavanti striyaḥ|| cañcatkāñcana kuṇḍalāṃgada dharāmābaddha kāñcīsrajaṃ| yetvāṃ cetasitva dūgate kṣaṇamapi dhyāyanti kṛtvā sthirām|| teṣāṃ veśmasu vibhramādaharahaḥ sphārībhavantyaściraṃ| mādyatkuñjara karṇatālataralāḥ sthairyaṃ bhajanti śriyaḥ|| ārbhaṭyā śaśikhaṇḍamaṇḍita jaṭājūṭāṃ nṛmuṇḍasrajaṃ| bandhūka prasavāruṇāmbaradharāṃ pretāsanādhyāsinīm|| tvāṃ dhyāyanti caturbhujāṃ trinayanāmā pīnatuṃgastanīṃ| madhye nimnavalitrayāṅkita tanuṃ tvadpasavittaye|| jāto'pyalpa paricchade kṣitibhujāṃ sāmānyamātre kule| niśrśeṣāvani cakravartipadavīṃ labdhvā pratāponnataḥ|| yadvidyādhara vṛndavanditapadaḥ śrīvatsarājo'bhavaddevi| tvaccaraṇāmbuja praṇatijaḥ so'yamprasādodayaḥ|| caṇḍi tvaccaraṇāmbu jajārcanakṛte bilvīdalolluṇṭhanāt| truṭyatkaṇṭaka koṭibhiḥ paricayaṃ yeṣāṃ na jagmuḥ karāḥ|| te daṇḍāṃkuśa cakracāpa kuliśa śrīvatsamatsyāṅkitai| jāyante pṛthivībhujaḥ kathamivāmbhojaprabhaiḥ pāṇibhiḥ|| viprāḥ kṣoṇibhujo viśastaditare kṣīrājyamadhvāsavaistvāṃ| devī tripure parāparakalāṃ saṃtarpya pūjāvidhau|| yāṃ yāmprārthayate naraḥ sthiradhiyāṃ yeṣāṃ ta eva dhruvaṃ| tāṃ tāṃ siddhimavāpnuvanti tarasā vighnairvighnīkṛtāḥ|| śabdānāṃ jananī tvamatra bhuvane vāgvādinītyucyase| tvattaḥ keśavavāsava prabhṛtayo'pyāvirbhavanti dhruvam|| līyante khalu yatra kalpavirame brahmādayaste'pyamī| sā tvaṃ kācida cintyarūpa mahimā śaktiḥ parā gīyase