Dashamahavidya 16.p9

16.p9

aindrasyeva śarāsanasya dadhatī madhye lalāṭamprabhāṃ| śauklīṃ kāṃtimanuṣṇagoriva śirasyātanvatī sarvataḥ|| eṣāsau tripurā hṛdi dyutirivoṣṇāṃśoḥ sadāhasthitāṃ| chiṃdyānnaḥ sahasā padaistribhiraghaṃ jyotirmayī vāṅmayī|| yā mātrā trapuṣīlatātanu lasattantūtthiti sparddhinī| vāgbīje prathame sthitā tava sadā tāṃ manmahe te vayam|| śaktiḥ kuṇḍalinīti viśvajanana vyāpārabaddhodyamā| jñātvetthaṃ na punaḥ spṛśanti jananīgarbhè'rbhakatvaṃ narāḥ|| dṛṣṭvā sambhramakāri vastu sahasā ai ai iti vyāhṛtaṃ| yenākūta vaśādapīha varade binduṃ vināpyakṣaram|| tasyāpi dhruvameva devi tarasā jāte tavānugrahe| vācaḥ sūktisudhārasa dravamuco niryānti vaktrāmbujāt|| yannitye tava kāmarājamaparaṃ maṃtrākṣaraṃ niṣkalaṃ| tatsārasvatamityavaiti viralaḥ kaścid budhaśced bhuvi|| ākhyānampratiparva satyatapaso yatkīrttayanto dvijāḥ| prārambhe praṇavāspada praṇayitāṃ nītvoccaranti sphuṭam|| yatsadyo vacasāmpravṛttikaraṇe dṛṣṭaprabhāvaṃ budhai| stārttīyaṃ tadahaṃ namāmi manasā tadbījaminduprabham|| astvaurvopi sarasvatīmanugato jāḍhyāmbuvicchittaye| gauḥ śabdo giri varttate suniyataṃ yogaṃ vinā siddhidaḥ|| ekaikaṃ tava devi bījamanaghaṃ savyañjanāvyañjanaṃ| kūṭasthaṃ yadi vā pṛthak kramagataṃ yadvā sthitaṃ vyutkramāt|| yaṃ yaṃ kāmamapekṣya yena vidhinā kenāpi vā cintitaṃ| japtaṃ vā saphalīkaroti tarasā taṃ taṃ samastaṃ nṛṇām|| vāme pustakāriṇīma bhayadāṃ sākṣasrajaṃ dakṣiṇe| bhaktebhyo varadāna peśalakarāṃ karpūra kundojjvalām