Dashamahavidya 16.p39
Daśamahāvidyā 16.p39
- Language
- Sanskrit
16.p39
śatravastasya naśyanti vardhante'sya balāni ca| vyādhayastasya dūrasthāḥ sakalānyauṣadhāni ca|| mandirāṇi vicitrāṇi rājante tasya sarvadā| kṛṣiḥ phalavatī tasya bhūmiḥ kāmadughāvyayā || sphīto janapadastasya rājyaṃ tasya nirītikam| mātaṃgāḥ pakṣiṇastuṃgā siñcanto madavāribhiḥ || dvāre tasya virājante hṛṣṭā nāgaturaṃgamāḥ| prajāstasya virājante nirvivādāśca mantriṇaḥ || jñātayastarrū tuṣyanti śīlaṃ tasyātisundaram| lakṣmīstasya vaśe nityaṃ svāsanā ca manoramā || gadyapadyamayī vāṇī tasya gaṃgātaraṃgavat| nānā padapadārthānāṃ vādacāturya saṃbhṛtā || samagrarasa saṃpattaśālinī lāsyamālinī| adṛṣṭānyapi śāstrāṇi prakāśyante nirantaram || nigrahaḥ paravākyānāṃ sabhāyāṃ tasya jāyate| stuvanti vandinastaṃ vai rājāno dāsavattāthā || śastrāṇyastrāṇi tadaṃge janayanti rujāṃnahiṃ| mahilāstasya vaśagāḥ sarvāvasthā bhavanti vai || viṣaṃ nirviṣatāṃ yāti pānīyamamṛtaṃ bhavet| parapakṣāstambhanaṃ ca pratipakṣasya jṛmbhaṇam || navarātreṇa jāyeta sa tadabhyāsayogavit| ahorātraṃ paṭhedyastu nistandraḥ śāntamānasaḥ || vaṃśe tasya prajā yāti sarve lokāḥ suniścitam| ṣaṇmāsābhyāsayogena yogamāyāti niścitam || nityaṃ kāmakalāṃ dhyāyan yaḥ paṭhet stotramuttamam| madanonmādakalitāḥ purandhrayastadvaśānugāḥ || lāvaṇyamadanāḥ sākṣādvaidagdhyamuditekṣaṇāḥ| premapūrṇāmapi vaśe hyurvaśīṃ sa hi vindati || bhūrjapatetra rācanayā kuṃkumena śubhe dine| lākṣārasadraveṇāpi yāvakairvā viśeṣataḥ || dhāturāgeṇa vā devi likhitaṃ yaṃtramañcitam| suvarṇaraupyagarbhasthaṃ susaṃpūtaṃ susādhitam || bālābuddhyā pūjitaṃ ca pratiṣṭhita samīraṇam || dhārayenmastake kaṇṭhe bāhumūle tathā hṛdi