Dashamahavidya 16.p40

16.p40

nābhau vāpi dhṛtaṃ dhanyaṃ jāyadaṃ sarvakāmadam | rakṣaṇaṃ nāparaṃ kiñcid vidyate bhuvanatrayai || grahādi bhayahṛt sukhakṛtya vivardhanam| balavīryakaraṃ krūrabhūta śatruvināśanam || putrapautrān guṇagaṇairvardhanaṃ dhanadhānyakṛt | dharaṇyāṃ sā purīdhanyā yatrāyaṃ sādhakottamaḥ || yad gṛhe likhitaṃ tiṣṭhet stotrametadvarānane | tatra cāhaṃ śive nitya hariśca kamalā tathā || vasāmaḥ sarvatīrthānāmutpattistatra jāyate | yo vāpi pāṭhayed bhaktyā paṭheddvai sādhakottamaḥ || jñānānanda kalāyogādaikyavṛttiṃ sa vindati | stotreṇānena deveśi tava pūjāphalaṃ labhet || ṣoḍhānyāsatanūrbhūtvā paṭhitavya prayatnataḥ | uttamā sarvataṃtrāṇāṃ bālāyāḥ pūjanasṛtiḥ || tatrottamā ṣoḍaśārṇā tatremaṃ stotramuktam| nāśiṣyāya pradātavyamaśuddhāya śaṭhāya ca || alasāyā prayatnāyāśivābhaktāya sundari | bhaktihīnāya maline gurunindāparāya ca || viṣṇubhakti vihīnāya vikalpābṛtabuddhaye | deyaṃ bhaktavare mukteḥ kāraṇaṃ bhaktivardhanam || latāyoge paṭhedyastu stotrametadvarānane | saiva kalpalatā tasya vāñchāphalakarī tathā || puṣṭipatāyā latāyoge kuraṃgamukhi sādhakaḥ | akṣubdhaḥ san paṭhedyastu śatayajñasya puṇyabhāk || brahmādayo'pi deveśi prārthayanti padadvayam | svayaṃ śivaḥ sa vijñeyo yo bālābhāvālampaṭaḥ || brahmānandamayī jyotsnā sadāśivavidhūditā | ānando yo'pi yaṃ vedā vadantyasyā vaśe sthitāḥ || āhlādanaṃ bālādhyānādbālāyā nāmakīrtanāt | sadānandābhyāsayogāt sadānandaḥ prajāyate || || iti śrīrudrayāmale taṃtre bhairavabhairavīsraṃvāde śrībālātripurasundarī sahasranāmakam || ㅁㅁ