Pranatoshini 6.3.142

Prāṇatoṣiṇī 6.3.142

Language: Sanskrit

6.3.142

p. 740) anyasannihite devi ! yadi pūjāparo bhavet | viṣṇutantroktapūjādi
tattanmudrāṃ pradarśayet | tena pūjādikaṃ jātaṃ na ca vyaktaṃ
kadācana || varadātantre || viśeṣakarma goptavyaṃ mantravat
parameśvari ! || dīpānvitādipūjāsu paramotsavamācaret |
bhavānīprītaye sarvaṃ karmakuryāt prasannadhīḥ || tatra bhaktiḥ sadā
kāryā yasya yā iṣṭadevatā | tatrābhaktirmahāduḥkhadāyinī
kuṣṭhakāriṇī | nijadevīṃ parityajya tathaiva ca nijaṃ gurum | yo'nyatra
bhaktimān devi ! tasya sarvaṃ vinaśyati | nānyanindā prakarttavyā
kadācidapi sādhakaiḥ | ekaṃ brahmaivādvitīyaṃ sarvatra kathitaṃ
mayā |
upādhibhāvabhedena nānātvaṃ bhajate sati ! | ekaṃ pūjayate yastu
sarvānarcayatisma saḥ ||

Previous: 6.3.141
Next: 6.3.143
Up: 6.3

Linked texts (2)

Kulavṛtti — Sanskrit
Guptasādhanatantra — Sanskrit