Pranatoshini 6.3.40

6.3.40

puruṣasyātithirjñeyaḥ puruṣo nātra saṃśayaḥ | strīṇāṃ strī
cātithirjñeyā tasmādgacchata kālikām | ityuktvā tatpuraṃ ramyaṃ
viveśa parameśvaraḥ | uvāca kālīṃ bhagavānīśvarīṃ
parameśvarīm | tā apyavāpuḥ paramāṃ prītiṃ paramadurlabhām ||
ṣaṣṭhādhyāye ||
tato devī mahākālī cintayitvā muhurmuhuḥ |
etadrūpamapāhāya śuddhagaurī bhavāmyaham | yasmāt kālīti
kālīti mahādevaḥ samāhvayet | iti sañcintya manasā antarddhānaṃ
gatā parā | mahādevo'pi kālena gato hyastaḥ puraṃ śivaḥ |
nāpaśyacca tadā kālīṃ tasthau tasmin pure haraḥ | atha kāle kadācittu
āgatastatra nāradaḥ | praṇamya śirasā devaṃ mahādevaṃ
maheśvaram | kṛtāñjalipuṭastathau tato devāgrato muniḥ |
mahādevo'pi vāmena pāṇinā munisattamam | upaspṛśya
samāśvāsya cakre puṇyavatīṃ kathām | kālena kiyatā tatra kathānte