Pranatoshini 6.4.96
Prāṇatoṣiṇī 6.4.96
- Language
- Sanskrit
6.4.96
atha kumbhakasiddhiphalam || prasvedo jāyate pūrvaṃ mardanaṃ
tena kārayet | tatastu dhāraṇādvāyoḥ krameṇaiva śanaiḥ śanaiḥ |
kampo bhavati dehasya āsanasthasya yoginaḥ |
tato'dhikatarābhyāsāddārdurī jāyate dhruvam | yathaiva darduro
gacchedutpatyotplutya bhūtale | padmāsanasthito yogī tathā gacchati
bhūtale | tato'dhikatarābhyāsādbhūmityāgaśca jāyate |
padmāsanasthito vāsau bhūmimutsṛjya varttate | nirādhāro vicitraṃ hi
tadā sāmarthyamudvahet | alpaṃ vā bahu vā bhuktvā yogau na vyathate
kvacit | alpamūtrapurīṣe tu alpanidrā ca jāyate | krimayo vṛścikā
nānāsvedo durgandhatā tanoḥ | etāni sarvakhyātasya na jāyate
kadācana | abhyāsakāle prathame śastaṃ kṣīrājyabhojanam |
tato'bhyāse sthirībhūte na tādṛṅniyamagrahaḥ | yathā siṃho gajo
vyāghro bhavedvaśyaḥ śanaiḥ śanaiḥ | tathaiva sevito vāyuranyathā
hanti sādhakam | prāṇāyāmeṇa yuktena sarvarogakṣayo bhavet |
ayuktābhyāsayogena sarvarogasamudbhavaḥ | hikkā śvāsaśca
kāsaśca śiraḥ karṇākṣivedanā | bhavanti vividhā doṣāḥ pavanasya
vyatikramāt || iti vāyuvyatikramadoṣaḥ ||
Linked texts (8)
- Śrīpraśnasaṃhitā — Sanskrit
- Vārāhītantra — Sanskrit
- Śivasaṃhitā — Sanskrit
- Haṭhapradīpikā — Svātmārāma, Sanskrit
- Dattātreyayogaśāstra — Dattātreya, Sanskrit
- Yogatattvopaniṣad — Sanskrit
- Śāṇḍilyopaniṣad — Sanskrit
- Vivekamārtaṇḍa — Viśvarūpadeva, Sanskrit