Sharadatilaka 3.56-2

3.56-2

vṛttakuṇḍe madhyasūtraṃ caturviṃśatidhā bhajet
ekāṃśapañcaviṃśāṃśasahitaṃ sārddhamaṃśakam
bahirnyasya bhramānmadhyād vṛttaṃ kuṇḍamitīritam
caturasraṃ maṇḍalaṃ cikīrṣan madhyādaṃśaṃ nipātya pārśvataḥ parilikhya tatra
yadatiriktaṃ bhavati tasya tṛtīyena saha maṇḍalaṃ parilikhet sa samādhiḥ | iti
karṇārddhāṣṭāṃśasaṃnyāsād vṛttaṃ kuṇḍamihoditam | iti
caturasraṃ purā kṛtvā kuṇḍakṣetrapramāṇataḥ
navabhāgaṃ purā kṛtvā caikabhāgaṃ bahirnyaset
tasmānmadhyaṃ gṛhītvaivaṃ bhramāttadvarttulaṃ bhavet || iti
caturasre susaṃsiddhe tadvāhye bhāgamaṣṭamam
kṣetrasya vinyaseddikṣu madhyāttanmānasūtrataḥ
bhramaṇābhrāmaṇenaivaṃ vṛttaṃ kuṇḍamudīritam || iti
aṣṭadhā vibhajet kṣetraṃ madhyasūtrasya pārśvayoḥ
bhāgaṃ nyasedekamekaṃ bhāgenā'nena madhyataḥ