Sharadatilaka 4.5

4.5

sañcintya mantrī tanmadhye nimajjet susamāhitaḥ
mūlamantraṃ samāvarttya manasollikhya cākṛtim
utthāyā''camya tatpaścāt ṣaḍaṅganyāsasaṃyutaḥ
ātmānaṃ mūlamantreṇa mudrayā kalaśākhyayā
saptakṛtvo'bhiṣicyā'tha manunā sannvitairjalaiḥ | iti
vinyasyāṅge ṣaḍaṅgāni prāṇāyāmapuraḥsaram
śrosūryyamaṇḍalāttīrthamākṛṣyā'ṅkuśamudrayā
vamityanena cāplāvya kavacenāvaguṇṭhayet
saṃracyāstreṇa mūlena mantrayedrudra[drasa]saṃkhyayā
nimajya tasmin środevaṃ dhyāyecchaktyā japanmanum
unmajya kumbhamudrāñca baddhvā snāyād dviṣaṭ tataḥ
śālagrāmaśilātoyaṃ tulasīgarbhamiśritam
kṛtvā śaṅkhe bhrāmayaṃstiḥ prakṣipennijamūrddhani
śālagrāmaśilātoyamapītvā yastu mastake
prakṣepagaṃ prakurvvīta brahmahā sa nigadyate
viṣṇupādodakāt pūrvvaṃ viprapādodakaṃ pibet
viruddhamācaranmohādātmahā sa nigadyate
pṛthivyāṃ yāni tīrthāni tāni tīrthāni sāgare
sasāgarāṇi tīrthāni pāde viprasya dakṣiṇe
tataḥ saṃkṣepato devān manuṣyāṃstarpayet pitṝn
pīḍayitvāmbaraṃ corū prakṣālyācamya yatnataḥ
dhārayedvāsasī śuddhe paridhānottarīyake
acchinne sudṛśe śukle ācamet pīṭhasaṃsthitaḥ
urddhapuṇḍraṃ' tripuṇḍraṃ' vā kṛtvā sandhyāṃ samācaret || iti
dakṣamṛṣṭigṛhītasya vāmamuṣṭestu madhyamām
prasāryya tarjyanyākuñcet seyamaṅkuśamudrikā
dakṣāṅguṣṭhe parāṅguṣṭhaṃ kṣiptvā hastadvayena tu
sāvakāśātmakaṃmuṣṭiṃ kuryyāt kumbhasya mudrikā
bhasma sarvvaṃ ha vā idaṃ bhasma mana etāni cakṣūṃṣi bhasmāni tasmādbratametat pāśupataṃ
yadbhasmanāṅgāni saṃspṛśet | tasmāt brahma tadetat pāśupataṃ paśupāśavimokṣāya”
yajuṣā pañcākṣareṇetyarthaḥ
prakārāntareṇa vā—
lalāṭe brahmā[hma] vijñeyo[yaṃ] hṛdaye havyavāhanaḥ
nābhau skando gale pūṣā rudro dakṣiṇabāhuke
ādityo bāhumadhye ca śakro ca maṇibandhake
vāmadevo vāmabāhau bāhumadhye prabhañjanaḥ
maṇibandhe ca vasavaḥ pṛṣṭhadeśe haraḥ smṛtaḥ
śambhuḥ kakudi saṃproktaḥ paramātmā śiraḥ smṛtaḥ || iti
vāyavīyasaṃhitāyāmamantrakameva tripuṇḍradhāraṇamuktam
punarnyastakaro mantrī tripuṇḍraṃ bhasmanā likhet | iti
bhasmagrahaṇamapi tatraivoktam
śivāgnerbhasma saṃgrādyamagnihotrodbhavantu vā
vaivāhyāgnyudbhavaṃ vāpi pakvaṃ śuci sugandhi ca
kapilāyāḥ śakṛcchrastaṃ gṛhītaṃ gagane patat
na klinnaṃ nāti kaṭhinaṃ na durgandhi na coṣitam
uparyuktaḥ parityajya gṛhlīyāt patitaṃ yadi
piṇḍīkṛtya śivāgnau tu tat kṣipenmūlamantrataḥ
apakkamatipakkañca santyajya bhasitaṃ sitam
ādāya vāsasā''loḍya bhasmādhāre vinirkṣipet
bhasmasaṃgrahaṇaṃ kuryyād deve'nudvāsite sati
udvāsane kṛte yasmāccaṇḍabhasma prajāyate || iti
tataḥ svaśākhoktasandhyāṃ kṛtvā mantrasandhyāṃ kuryyāt | tadyathā | prāṇāyāmatrayaṃ kṛtvā
tīrthajalaṃ dakṣahaste gṛhītvā mūlamantreṇa triḥ saṃjapya tena mūlena trirācamya punastīrthajalaṃ
dakṣahastena savyahaste nidhāya mūlena tridhā'bhimantrya tadgalitodakabindubhiḥ saptadhā
mūlenātmānaṃ sammāyya avaśiṣṭaṃ jalaṃ dakṣahaste gṛhītvā nāsikāsamīpaṃ nītvā
iḍayā dehāntarākṛṣya kṣālitaiḥ pāpasañcayaiḥ kṛṣṇavarṇaṃ tadudakaṃ dakṣānāḍyā virecitaṃ
dhyātvā puraḥkalpitavajraśilāyāmastramantreṇa prakṣipet | idamaghamarṣaṇam | punarañjalinā
jalamādāya sūryyamaṇḍalasthāya devāyā'rghyaṃ kalpayāmīti tattadgāyatryā mūlena vā
deśiko vidhivat snātvā kṛtvā paurvvāhṇikīḥ kriyāḥ
yāyādalaṅkṛto maunī yāgārthaṃ yāgamaṇḍapam