Sharadatilaka 4.6

4.6

anyatrāpipunarācamya vinyasya ṣaḍaṅgamapi pūrvvavat
vāmahaste jalaṃ gṛhya galitodakabindubhiḥ
saptadhā prokṣaṇaṃ kṛtvā mūrdhni mantraṃ samuccaran
avaśiṣṭodakaṃ dakṣahaste saṃgṛhya buddhimān
iḍayā''kṛṣya dehāntaḥ kṣālitaiḥ pāpasañcayaiḥ
kṛṣṇavarṇaṃ tadudakaṃ dakṣanāḍyā virecitam
dakṣahaste'tha tanmantro pāparūpaṃ vicintya ca
purato vajrapāṣāṇe prakṣipedastvamantrataḥ
dineśāyotkṣipet tiṣṭhan vāriṇā cā'ñjalidvayam
aṣṭottaraśatāvṛttyā gāyatrīṃ prajapet sudhīḥ
ravimaṇḍalagaṃ devaṃ praṇipatya kṣamāpayet
saṃhāramudrayā tīrthamudvāsyācamya vāgyataḥ
evaṃ sandhyāṃ samāpyātha nyāsakarmma samārabhet || iti
śaivāgame tu-tataḥ śivātmakairmantraiḥ kṛtvā tīrthaṃ śivātmakam
mārjanaṃ saṃhitānyaistattoyena samācaret
vāmapāṇipatattoyayojanaṃ savyapāṇinā
uttamāṅge kramānmantrairmārjanaṃ samudāhṛtam
nītvā tadupanāsāgraṃ dakṣapāṇipuṭe sthitam
bodharūpaṃ sitaṃ toyaṃ vāmayākṛṣya kumbhayet
tatpāpaṃ kajjalābhāsaṃ piṅgayā recya vartmanā[viṣṭhinā]
kṣiped vajraśilāyāṃ yattaddevedaghamarṣaṇam
svāhāntaśivamantreṇa kuśapuṣpākṣatānvitam
śivāyo'rghyāñjaliṃ dattvā gāyatrīṃ śaktito japet
samācamya vidhānena tvañjalenā'rghyamuddharet
raktapuṣpāditoyena mūlamantreṇa bhānave || iti
vāyavīyasaṃhitāyāmapiācaredu brahmayajñāntaṃ kṛtvā devāditarpaṇam
maṇḍalasthaṃ mahādevaṃ dhyātvā'bhyarcya yathāvidhi
dadyādarghyaṃ tatastasmai śivāyādityarūpiṇe || iti
ācamya vidhinā tatra sāmānyārghyaṃ vidhāya ca
dvāramastrāmbubhiḥ prokṣya dvārapūjāṃ samācaret