Mrigendra 3.84

Mṛgendra (another edition) 3.84

Language: Sanskrit

3.84

syādasti syānāsti ceti yaduktaṃ tadasaṅgatam | nahi yadyadeva vastu
arthakriyākāritayā satvenāvagamyate tattadānīmevā'satvenaikāntataḥ
kaścidapyavaiti | kaḥ kilānubhrāntamatiḥ puraḥ prasphuradrūpe saditi
pratyayakāriṇi ghaṭādau nāyamastīti buddhiṃ kuryāt | asati ca tasmin
prakhyopākhyāvirahiṇi sattāniścayānudayāt
vidhiniṣedharūpayorbhāvābhāvayoḥ parasparaparihāreṇaivātmalābhāt |
abhāvo hi tadasaṃbhavalabdhajanmā'pi yadi tenaiva bhāvena sahitaḥ syāt
tadānīṃ abhāva eva na syāt | tadupamardenaiva tasya svarūpasiddheḥ | evaṃ
bhāvo'pi yadi svapratikṣepeṇābhāvenāvyatiriktaḥ tarhi bhāva eva na bhavet || 17
||

Previous: 3.83
Next: 3.85
Up: 3

Commentaries (1)

Mṛgendravṛtti — Sanskrit