Bahvricaranyabhashya 1.p14

1.p14

ṣpādā vai paśavaḥ paśūnāmavaruddhyai(5) (6)tāni trīṇi cchandāṃsi bhavanti trayo vā ime trivṛto lokā eṣāmeva lokānāmabhijityai(6) (7)te dve chandasī bhavataḥ pratiṣṭhāyā eva dvipratiṣṭho vai puruṣaścatuṣpādāḥ paśavo yajamānameva tad dvipratiṣṭhaṃ catuṣpātsu paśuṣu pratiṣṭhāpayati(7) (8)tāḥ parāgvacanena pañcaviṃśatirbhavanti pañcaviṃśo'yaṃ puruṣo daśa hastyā aṅgulayo daśa pādyā dvā ūrū dvau bāhū ātmaiva pañcaviṃśastamimamātmānaṃ pañcaviṃśaṃ saṃskurute(8) (9)atho pañcaviṃśaṃ vā etadahaḥ pañcaviṃśa etasyāhnaḥ stomastatsmena samaṃ pratipadyate tasmād dve eva pañcaviśatirbhavanti(9) (10)tāstiḥ prathamāyā triruttamayaikayā na viṃśatyūnākṣarā virāṭ nyūne vai retaḥ sicyate nyūne prāṇā nyūne'nnādyaṃ pratiṣṭhitameteṣāṃ kāmānāmavaruddhyai(10) (11)etān kāmānavarundhe ya evaṃ veda(11) (12)tā abhisampadyante bṛhatīṃ ca virājaṃ ca cchando yaitasyāhnaḥ sampattāmatho anuṣṭubhamanuṣṭubhāyatanāni hyā़jyāni(12) || 2