Taittirīya Āraṇyaka 2.10
Taittirīyāraṇyaka (complete text) 2.10
- Language
- Sanskrit
2.10
14 pañca vā ete mahāyajñāḥ satati pratāyante satati santiṣṭhante devayajñaḥ pitṛyajño bhūtayajño manuṣyayajño brahmayajña iti yadagnau juhotyapi samidhaṃ taddevayajñaḥ santiṣṭhate yatpitṛbhyaḥ svadhākarotyapyapastatpitṛyajñaḥ santiṣṭhate yadbhūtebhyo baliṃ harati tadbhūtayajñaḥ santiṣṭhate yadbrāhmaṇebhyo'nnaṃ dadāti tanmanuṣyayajñaḥ santiṣṭhate yathsvādhyāyamadhīyītaikāmapyṛcaṃ yajussāma vā tadbrahmayajñaḥ santiṣṭhate yadṛco'dhīte payasaḥ kūlyā asya pitṝnthsvadhā abhivahanti yadyajūṃṣi ghṛtasya kūlyā yathsāmāni soma ebhyaḥ pavate yadatharvāṃgiraso madhoḥ kūlyā yadbrāhmaṇānītihāsānpurāṇāni kalpāngāthā nārāśaṃsīrmedasaḥ kūlyā asya pitṝnthsvadhā abhivahanti yadṛco'dhīte paya āhutibhireva taddevāgstarpayati yadyajūṃṣi ghṛtāhutibhiryathsāmāni somāhutibhiryadatharvāṃgiraso madhvāhutibhiryadbrāhmaṇānītihāsān purāṇāni kalpāngāthā nārāśaṃsīrmedāhutibhireva taddevāgstarpayati ta enaṃ tṛptā āyuṣā tejasā varcasā śriyā yaśasā brahmavarcasenānnādyena ca tarpayanti ||
Commentaries (2)
- Taittirīyāraṇyakabhāṣya (Sāyaṇa) — Sāyaṇa, Sanskrit
- Vedārthaprakāśa — Sāyaṇa alias Mādhava, Sanskrit
Linked texts (4)
- Āgniveśyagṛhyasūtra — Agniveśa, Sanskrit
- Smṛticandrikā — Devaṇṇabhaṭṭa, Sanskrit
- Taittirīyāruṇa — Sanskrit
- Cittiprapāṭhaka — Sanskrit