Taittirīya Āraṇyaka 1.1
Taittirīyāraṇyaka 1.1
- Language
- Sanskrit
1.1.1
bhadráṃ kárṇebhiḥ śṛṇuyā́ma devāḥ / bhadráṃ paśyemākṣábhir yájatrāḥ /
sthiráir áṅgais tuṣṭuvā́ṁsas tanū́bhiḥ / vyáśema deváhitaṃ yád ā́yuḥ /
svastí na índro vṛddháśravāḥ / svastí naḥ pūṣā́ viśvádevāḥ /
svastí nas tā́rkṣyo áriṣṭanemiḥ / svastí no bṛ́haspátir dadhātu /
ā́pamāpāmapáḥ sárvāḥ / asmā́d asmā́d itó 'mútaḥ // 1 //
1.1.2
agnír vāyúś ca sū́ryaś ca / sahá saṃcaskarárddhiyā /
vāyváśvā raśmipátayaḥ / márīcyātmāno ádruhah /
devī́r bhuvanasū́varīḥ / putravattvā́ya me suta /
máhā́nā́mnī́r mahāmānā́ḥ / mahasómahasaḥ svā̀ḥ /
devī́ḥ parjanyasū́varīḥ / putravattvā́ya me suta // 2 //
1.1.3
apā́śnyuṣṇim apā́ rákṣaḥ / apā́śnyuṣṇim apā́ rágham /
ápāghrām ápa cāvárttim / ápa devī́r itó hita /
vájraṃ devī́r ájītāṁś ca / bhúvanaṃ devasū́varīḥ /
ādityā́n áditiṃ devī́m / yóninordhvam udī́ṣata /
śivā́ naḥ śáṃtamā bhavantu / divyā́ ā́pa óṣadhayaḥ /
sumṛḍīkā́ sárasvati / mā́ te vyóma saṃdṛ́śi // 3 //
amútaḥ sūtáuṣadhayo dvé ca -- 1 --
Commentaries (2)
- Taittirīyāraṇyakabhāṣya (Sāyaṇa) — Sāyaṇa, Sanskrit
- Vedārthaprakāśa — Sāyaṇa alias Mādhava, Sanskrit
Linked texts (6)
- A Vedic Concordance — Maurice Bloomfield, English
- History of Dharmaśāstra (Ancient and Mediaeval Religious and Civil Law in India) — P. V. Kane, English
- Altindische Grammatik — Jacob Wackernagel & Albert Debrunner, German
- A History of Ancient Sanskrit Literature, so far as it illustrates the Primitive Religion of the Brahmans — F. Max Müller, English
- Taittirīyāruṇa — Sanskrit
- Cittiprapāṭhaka — Sanskrit