Aitareya 3.p2174

3.p2174

ārtadhvaniṃ sātha diterniśamya surāṅganānāmavalokya vṛndam | daẏānidhiḥ sā ca haraṃ yayāce madarthametat kriyatāṃ maheśa || garbhaṃ bhittvā saptadhaikaikaśastu punaḥ saptabhedataḥ khaṇḍarāśau | bahūni khaṇḍāni tanū़ni santi hyekaikameṣāṃ bhavatāṃ śarīram || svalaṃkṛtāstava putrā bhavantu syuścaiva sarve taruṇāḥ sadaiva | mārodavādānmṛtiyogato vā samākhyātā marutaśceti śubhrāḥ || sakhyaṃ ca tairastu sureśvarasya suraistulyaṃ niyataṃ maheśa | na jyeṣṭhatā nāpi kaniṣṭhataiṣāṃ veṣo vayaścaiva samānameṣām || sthānaṃ caiṣāmantarikṣe sadā syādvarṣasyaite dāyakā rakṣakāśca | ghṛṇāndhitvaṃ vyaktamevaṃ tataḥ syānmayi prītiścātulā vai ghṛṇāmdhe || tatheti devaḥ pratipannavākyo devyā yathoktaṃ pracakāra sarvam | athāpare varṇayantītihāsa yathā rudro marutāṃ vai pitāsīt || imāṃ hi gorūpadharāṃ tu pṛśniṃ vṛṣo'tha bhūtvāramayanmaheśaḥ | ajījananmarutaḥ pṛśniputrā rudrasya putrā api te babhūvuḥ || † raudreṣu mantreṣvatha māruteṣu kathādvayaṃ śrūyate tatra tatra | itthaṃ tu siddhaṃ marutāṃ pitṛtvaṃ jagadgurordevadevasya śambhoḥ