Chāndogya (Upaniṣad) Brāhmaṇa 3.49

Chāndogyabrāhmaṇa bhāṣya 3.49

Language: Sanskrit

3.49

triṣṭubiyaṃ prārthanāyāṃ viniyuktā prārthyamānadevatākā | he kanye ! 'te' tava 'hṛdayaṃ' manaḥ 'mama' 'vrate' karmaṇi 'dadhātu' sthāpayatu | anyasya kartṛpadasyāstatvāt saiva prathamapuruṣavyatyayenocyate | etaduktaṃ bhavati— mama vrate te hṛdayaṃ nidhehīti | anyacca 'mama cittam anu' 'te' tava 'cittam astu', āvayorhṛdayaikaṃ bhavatītyarthaḥ | kiñca 'mama' 'vācaṃ' vāṇīm 'ekamanāḥ' ananyacetāḥ sato 'juṣasva' sevasva | kiñca 'bṛhaspatiḥ' suraguruḥ 'tvā' tvāṃ 'mahyaṃ' madarthaṃ 'niyunaktu' nitarāṃ yojayatu²

Previous: 3.48
Next: 3.54
Up: 3

Linked texts (1)

Chāndogyabrāhmaṇa — Sanskrit