Citikanda 44.61

44.61

evamāhavanīyadeśasya saṃskārasamanantaraṃ kartavyaṃ prākṛtaṃ prayogajātamanukrāman prāguktayoḥ āgnikasaumikayoḥ karmaṇorvyatiṣaṅgaṃ darśayati-āpyānavatībhyāmityādinā | ' pratyetya' uttaravedideśāt prāgvaṃśaṃ pratyāgatyetyarthaḥ | anyannigadavyākhyātam | prathamapravargyopasadantaṃ kartavyamiti samudāyārthaḥ | anantaramāgnikasya
karmaṇaḥ praveśaṃ darśayati-ayaitāmiti | 'atha '-śabdaḥ prathamopasadānantarye | 'ānaḍuhe 'lohite ' carmaṇi '
' etām ' prathama- citim ' prathamacityarthamiṣṭakāsamūham ' samavaśamayanti ' samyagyutāvakṣepeṇa taptānāmiṣṭakānāṃ śamanaṃ kuryuurityarthaḥ | tasya śamanasya carmādhikaraṇatāṃ stauti-tadyaccarmaṇi carma vai rūpamiti | carmasambandhinā lomnā nānāvarṇopetatvādastvagādīnāmantaradhātūnāṃ tvacā''cchādane sati rūpakaraṇatvena carmaṇo rūpātmakatā | ataśca tasminniṣṭakānidhānaṃ sarveṣām ' rūpāṇām ' prāptyai sampadyata ityarthaḥ | tacca lomapradeśe kartavyamiti vidhāya stauti-lomata iti | lauhityaguṇaṃ carmaṇo vidhāya stauti-rohita iti | etat sarvaṃ kātyāyanenāpi sūtritam-" ātithyaśeṣādyaupasadaḥ kṛtvā rohite carmaṇyānaḍuhe'ntaḥpātyasya purastādiṣṭakāḥ karoti
prathamaciteḥ "-( kā. śrau. sū. 17