Gopathabrahmana 1.1.2
Gopathabrāhmaṇa (ed. Gaastra 1919) 1.1.2
- Language
- Sanskrit
1.1.2
sa bhūyo 'śrāmyad bhūyo 'tapyad bhūya ātmānaṃ samatapat
tasya śrāntasya taptasya saṃtaptasya sarvebhyo romagartebhyaḥ pṛthaksvedadhārāḥ prāsyandanta
tābhir anandat
tad abravīt_
ābhir vā aham idaṃ sarvaṃ dhārayiṣyāmi yad idaṃ kiṃ ca_
ābhir vā aham idaṃ sarvaṃ janayiṣyāmi yad idaṃ kiṃ ca_
ābhir vā aham idaṃ sarvaṃ āpsyāmi yad idaṃ kiṃ ceti
tad yad abravīt_
ābhir vā aham idaṃ sarvaṃ dhārayiṣyāmi yad idaṃ kiṃ ceti
tasmād dhārā abhavan_
tad dhārāṇāṃ dhārātvaṃ yac cāsu dhriyate
tad yad abravīt_
ābhir vā aham idaṃ sarvaṃ janayiṣyāmi yad idaṃ kiṃ ceti
tasmāj jāyā abhavan_
taj jāyānāṃ jāyātvaṃ yac cāsu puruṣo jāyate yac ca putraḥ [ed.: yāc]
pun nāma narakam anekaśatatāram_
tasmāt trātīti putras
tat putrasya putratvam_
tad yad abravīt_
ābhir vā aham idaṃ sarvaṃ āpsyāmi yad idaṃ kiṃ ceti
tasmād āpo 'bhavan_
tad apām aptvam
Other recensions (1)
Linked texts (1)
- Atharvavedabrāhmaṇa — Brahmā, Sanskrit