Gopathabrahmana 2.2.22

2.2.22

tad āhur yad aindrārbhavaṃ tṛtīyasavanam atha kasmād eka eva tṛtīyasavane prasthitānāṃ pratyakṣād aindrārbhavyā yajati_
<indra ṛbhubhir vājavadbhiḥ samukṣitam [ṚV 3.60.5]> iti hotaiva
nānādevatyābhir itare
kathaṃ teṣām aindrārbhavyo bhavanti_
<indrāvaruṇā sutapāv imaṃ sutam [ṚV 6.68.10, PS 20.7.5a, ŚS 7.58.1a]>_ iti maitrāvaruṇo yajati [ed. satam, corrected p. 302]
<yuvo ratho adhvaro devavītaye [PS 20.7.5c, ŚS 7.58.1c, ṚV 6.68.10c]>_iti bahūni vāha
tad ṛbhūṇāṃ rūpam
<indraś ca somaṃ pibataṃ bṛhaspataye [ṚV 4.50.10a, VaitS 22.11]>_iti brāhmaṇācchaṃsī yajati_
<ā vāṃ viśantv indavaḥ svābhuvaḥ [ṚV 4.50.10c]>_iti bahūni vāha
tad ṛbhūṇāṃ rūpam
<ā vo vahantu saptayo raghuṣyadaḥ [ṚV 1.85.6a]>_iti potā yajati
<raghupatvānaḥ pra jigāta bāhubhiḥ [ṚV 1.85.6b]>_iti bahūni vāha
tad ṛbhūṇāṃ rūpam
<ameva naḥ suhavā ā hi gantana [ṚV 2.36.3]>_iti neṣṭā yajati
gantaneti bahūni vāha
tad ṛbhūṇāṃ rūpam
<indrāviṣṇū pibataṃ madhvo asya [ṚV 6.69.7a]>_ity acchāvāko yajati_
<ā vām andhāṃsi madirāṇy agman [ṚV 6.69.7c]>_iti bahūni vāha
tad ṛbhūṇāṃ rūpam
<imaṃ stomam arhate jātavedase [ṚV 1.94.1a]>_ity āgnīdhro yajati
<ratham iva saṃ mahemā manīṣayā [ṚV 1.94.1b]>_iti bahūni vāha
tad ṛbhūṇāṃ rūpam
evam u haitā aindrārbhavyo bhavanti