Gopathabrahmana 2.3.6

Gopathabrāhmaṇa (ed. Gaastra 1919) 2.3.6

Language: Sanskrit

2.3.6

vāk ca vai prāṇāpānau ca vaṣaṭkāras
te vaṣaṭkṛte vaṣaṭkṛte vyutkrāmanti
tān anumantrayate vāg ojaḥ saha ojo mayi prāṇāpānāv iti
vācaṃ caiva tat prāṇāpānau ca hotātmani pratiṣṭhāpayati
sarvam āyur eti
na purā jarasaḥ pramīyate ya evaṃ veda
<śaṃ no bhava hṛda ā pīta indo piteva soma sūnave suśevaḥ | sakheva sakhya uruśaṃsa dhīraḥ pra ṇa āyur jīvase soma tārīḥ [ṚV 8.48.4, VaitS 19.18]>_ity ātmānaṃ pratyabhimṛśati_
īśvaro vā eṣo 'pratyabhimṛṣṭo yajamānasyāyuḥ pratyavahartum anarhan mā bhakṣayed iti
tad yad etena pratyabhimṛśaty āyur evāsmai tat pratirate_
āpyāyasva saṃ te payāṃsīti dvābhyāṃ camasān āpyāyayanty abhirūpābhyām_
yad yajñe 'bhirūpaṃ tat samṛddham || 6 ||

Previous: 2.3.5
Next: 2.3.7
Up: 2.3

Linked texts (1)

Vaitānaśrautasūtra — Sanskrit