Gopathabrahmana 2.4.12

Gopathabrāhmaṇa (ed. Gaastra 1919) 2.4.12

Language: Sanskrit

2.4.12

prajāpatir hy etebhyaḥ pañcabhyaḥ prāṇebhyo 'nyān devān sasṛje
yad u cedaṃ kiṃ ca pāṅktam_
tat sṛṣṭvā vyājvalayat
te hocur devā mlāno 'yaṃ pitā mayobhūḥ [ed. pitāmayo 'bhūḥ, corr. Patyal]
punar imaṃ samīryotthāpayāmeti
sa ha sattvam ākhyāyābhyupatiṣṭhate
yadi ha vā api nirṇiktasyaiva kulasya saṃdhyukṣeṇa yajate sattvaṃ haivākhyāyābhyupatiṣṭate
yo vai prajāpatiḥ sa yajñaḥ
sa etair eva pañcabhiḥ prāṇaiḥ samīryotthāpitaḥ_
ye ha vā enaṃ pañcabhiḥ prāṇaiḥ samīryotthāpayan_
tā u evaitāḥ pañca devatā ukthe śasyante || 12 ||

Previous: 2.4.11x
Next: 2.4.13
Up: 2.4

Linked texts (1)

Atharvavedabrāhmaṇa — Brahmā, Sanskrit