Gopathabrahmana 2.4.5
Gopathabrāhmaṇa (ed. Gaastra 1919) 2.4.5
- Language
- Sanskrit
2.4.5
atha yadaupāsanaṃ tṛtīyasavana upāsyante pitṝn eva tena prīṇāti_
upāṃśu pātnīvatasyāgnīdhro yajati
reto vai pātnīvataḥ_
upāṃśv iva vai retaḥ sicyate
tan nānuvaṣaṭkaroti ned retaḥ siktaṃ saṃsthāpayānīti_
asaṃsthitam iva vai retaḥ siktaṃ samṛddham_
saṃsthā vā eṣā yad anuvaṣaṭkāras
tasmān nānuvaṣaṭkaroti
neṣṭur upasthe dhiṣṇyānte vāsīno bhakṣayati
patnībhājanaṃ vai neṣṭā_
agnīt patnīṣu reto dhatte
retasaḥ siktāḥ prajāḥ prajāyante
prajānāṃ prajananāya
prajāvān prajanayiṣṇur bhavati
prajātyai
prajāyate prajayā paśubhir ya evaṃ veda || 5 ||