Gopathabrahmana 1.1.3

Gopathabrāhmaṇa 1.1.1–1.3.6 (ed. Mitra and Vidyābhūṣaṇa 1872) 1.1.3

Language: Sanskrit

1.1.3

tā apaḥ sṛṣṭvānvaikṣata tāsu svāṃ chāyām apaśyat tām asyekṣamāṇasya svayaṃ reto 'skandat tad apsu pratyatiṣṭhat tās tatraivābhyaśrāmyad abhyatapat samatapat tāḥ śrāntās taptāḥ saṃtaptāḥ sārdham eva retasā dvaidham abhavaṃs tāsām anyā anyatarā atilavaṇā apeyā asvādvyas tā aśāntā retaḥ samudraṃ vṛtvātiṣṭhann athetarāḥ peyāḥ svādvyaḥ śāntās tās tatraivābhyaśrāmyad abhyatapat samatapat tābhyaḥ śrāntābhyas taptābhyaḥ saṃtaptābhyo yad reta āsīt tad abhṛjjyata yad abhṛjjyata tasmād bhṛguḥ samabhavat tad bhṛgor bhṛgutvaṃ bhṛgur iva vai sa sarveṣu lokeṣu bhāti ya evaṃ veda //

Previous: 1.1.2
Next: 1.1.4
Up: 1.1

Other recensions (1)

Gopathabrāhmaṇa (ed. Gaastra 1919) — Sanskrit