Gopathabrahmana 1.1.16
Gopathabrāhmaṇa 1.1.16
- Language
- Sanskrit
1.1.16
brahma ha vai brahmāṇaṃ puṣkare sasṛje
sa khalu brahmā sṛṣṭaś cintām āpede
kenāham ekenākṣareṇa sarvāṃś ca kāmānt sarvāṃś ca lokānt sarvāṃś ca devānt sarvāṃś ca vedānt sarvāṃś ca yajñānt sarvāṃś ca śabdānt sarvāś ca vyuṣṭīḥ sarvāṇi ca bhūtāni sthāvarajaṅgamāny anubhaveyam iti
sa brahmacaryam acarat
sa om ity etad akṣaram apaśyad dvivarṇaṃ caturmātraṃ sarvavyāpi sarvavibhvayātayāmabrahma brāhmīṃ vyāhṛtiṃ brahmadaivatām_
tayā sarvāṃś ca kāmānt sarvāṃś ca lokānt sarvāṃś ca devānt sarvāṃś ca vedānt sarvāṃś ca yajñānt sarvāṃś ca śabdānt sarvāś ca vyuṣṭīḥ sarvāṇi ca bhūtāni sthāvarajaṅgamāny anvabhavat
tasya prathamena varṇenāpaḥ snehaṃ cānvabhavat
tasya dvitīyena varṇena tejo jyotīṃṣy anvabhavat || 16 ||
Other recensions (1)
Linked texts (2)
- Indian Art: A History of Indian Art from the Earliest Times up to the Third Century A.D. — V. S. Agrawala, English
- Atharvavedabrāhmaṇa — Brahmā, Sanskrit