Gopathabrahmana 1.5.1

Gopathabrāhmaṇa 1.5.1

Language: Sanskrit

1.5.1

om abhiplavaḥ ṣaḍahaḥ
ṣaḍ ḍhy ahāni bhavanti jyotir gaur āyur gaur āyur jyotiḥ_
abhiplavaḥ pañcāhaḥ
pañca hy evāhāni bhavanti
yad dhy eva prathamam ahas tad uttamam ahaḥ_
abhiplavaś caturahaḥ_
catvāro hi stomā bhavanti trivṛt pañcadaśaḥ saptadaśa ekaviṃśa eva_
abhiplavas tryahas
tryāvṛttir jyotir gaur āyuḥ_
abhiplavo dvyahaḥ_
dve hyeva sāmanī bhavato bṛhadrathantare eva_
abhiplava ekāha
ekāhasya hi stomais tāyate
caturṇām ukthyānāṃ dvādaśa stotrāṇy atiricyante
sa saptamo 'gniṣṭomas
tathā khalu saptāgniṣṭomā māsi saṃpadyanta iti brāhmaṇam || 1 ||

Previous: 1.4.24col
Next: 1.5.2
Up: 1.5

Linked texts (1)

Atharvavedabrāhmaṇa — Brahmā, Sanskrit