Gopathabrahmana 1.5.4

1.5.4

puruṣo vāva saṃvatsaras
tasya prāṇa eva prāyaṇīyo 'tirātraḥ
prāṇena hi prayanti
vāg ārambhaṇīyam ahaḥ_
yadyad ārabhate vāg ārabhate
vācaiva tad ārabhate
tasyāyam eva dakṣiṇaḥ pāṇir abhiplavas
tasyedaṃ prātaḥsavanam idaṃ mādhyandinaṃ savanam idaṃ tṛtīyasavanam_
gāyatryā āyatane
tasmād iyam asyai hrasiṣṭhā
tasyedaṃ prātaḥsavanam idaṃ mādhyandinaṃ savanam idaṃ tṛtīyasavanam_
triṣṭubha āyatane
tasmād iyam asyai variṣṭhā
tasyedaṃ prātaḥsavanam idaṃ mādhyandinaṃ savanam idaṃ tṛtīyasavanam_
jagatyā āyatane
tasmād iyam anayor variṣṭhā
tasyedaṃ prātaḥsavanam idaṃ mādhyandinaṃ savanam idaṃ tṛtīyasavanam_
paṅktyā āyatane
pṛthur iva vai paṅktis
tasmād iyam āsāṃ prathiṣṭhā
tasyedaṃ prātaḥsavanam idaṃ mādhyandinaṃ savanam idaṃ tṛtīyasavanam_
virāja āyatane_
annaṃ vai śrīḥ_