Gopathabrahmana 1.5.6

Gopathabrāhmaṇa 1.5.6

Language: Sanskrit

1.5.6

saṃvatsarasya samatā veditavyeti ha smāha vāsyuḥ_
ekam eva purastād viṣuvato 'tirātram upayanty ekam upariṣṭāt
tripañcāśatam eva purastād viṣuvato 'gniṣṭomān upayanti tripañcāśatam upariṣṭāt_
viṃśatiśatam eva purastād viṣuvata ukthyān upayanti viṃśatiśatam upariṣṭāt
ṣaḍ eva purastād viṣuvataḥ ṣoḍaśina upayanti ṣaḍ upariṣṭāt
triṃśad eva purastād viṣuvataḥ ṣaḍahān upayanti triṃśad upariṣṭāt
saiṣā saṃvatsarasya samatā
sa ya evam etāṃ saṃvatsarasya samatāṃ veda saṃvatsareṇa sātmā saloko bhūtvā devān apyetīti brahmaṇam || 6 ||

Previous: 1.5.5fff
Next: 1.5.7
Up: 1.5

Linked texts (1)

Atharvavedabrāhmaṇa — Brahmā, Sanskrit