Pramāṇa · Search · About · API

Jaiminīya (Talavakāra) Brāhmaṇa 3.198: atha yajñāyajñīyamuktabrāhmaṇam

Jaiminīyabrāhmaṇa 3.198

Language
Sanskrit

3.198

ā te vatso mano yamad
ityāvatīrbhavanti
apacchidiva vā etadyajñakāṇḍaṃ yadukthāni
tadyadāvatīrbhavanti yajñasyaiva salomatāyai
tāsu vātsam
vatsaḥ kāṇvaḥ paśukāmastapo'tapyata
sa etatsāmāpaśyat
tenāstuta
sa ha vāva triśoko yānevāmūṃstrīñchokānapāhansāsya triśokatā
sa ha sa sadya evālomno karṇakānpaśūnavārunddha
tadetatpaśavyaṃ sāma
ava paśūnrunddhe bahupaśurbhavati ya evaṃ veda
yadu vatsaḥ kāṇvo'paśyattasmādvātsamityākhyāyate
tvaṃ na indrā bhare
ti tvamiti bhavati bṛhato rūpam
bārhatametadahaḥ
ojo nṛmṇaṃ śatakrato vicarṣaṇe
ā vīraṃ pṛtanāsahamiti yadvai śatavatsahasravattacchandomānāṃ rūpam
paśavo vai chandomāḥ