Pramāṇa · Search · About · API

Jaiminīya (Talavakāra) Brāhmaṇa 3.199

Jaiminīyabrāhmaṇa 3.199

Language
Sanskrit

3.199

tāsu sauśravasam
kutso ha vā aurava indrasyororadhi nirmita āsa
yādṛśa evendrastādṛśa | yathātmano nirmita syādevam
taṃ ha saṃgrahītāraṃ cakre
taṃ ha jāyayābhijagrāha śacyā paulomyā
tāṃ hovāva kathetyamakariti
sā hovāca na vāṃ vyajñāsamiti
sa hovāca khalatiṃ vā enaṃ kariṣyāmi | tathā vijānītāditi
taṃ ha khalatiṃ cakāra
sa hoṣṇīṣaṃ parihṛtyopanipede
sa evaiṣa saṃgrahīturuṣṇīṣaḥ
taṃ hābhyeva jagrāha
tāṃ hovāca kathetthamakariti
sā hovāca na vāṃ vyajñāsam | uṣṇīṣeṇa vai mā parihṛtyopanyapādīti
sa hovācāntarāṃsayorvā asya pāṃsūnadhivapsyāmi | tathā vijānītāditi
tasya hāntarāṃsayoḥ pāṃsūnadhyuvāpa
ta evaite saṃgrahīturantarāṃsayoḥ pāṃsavaḥ
tānha prāvṛtyopanipede
taṃ hābhyeva jagrāha
tāṃ hovāca kathetthamakariti
sā hovāca na vāṃ vyajñāsam
prāvṛtya vai mopanyapādīti

Linked texts (1)

Discussed in (1)