Samavidhi 10.2
Sāmavidhi 10.2
- Language
- Sanskrit
10.2
eteṣāmekamanekaṃ vā sarvāṇi vā prayuñjānaḥ surūpān
dīrghāyuṣaḥ putrāṃllabhate
3. rohiṇyāṃ vā rohiṇyā goḥ sarūpavatsāyāḥ
payasi raktaśālīnāṃ sthālīpākañ śrapayitvā parameṣṭhinaḥ
prājāpatyasya vratenābhijuhuyāt sahasrakṛtvaḥ śaṇāvaram
etenaivābhigīyoddhṛtya sabhāryaḥ prāśnīyāt | surūpān
dīrghāyuṣaḥ putrāllabhate
4. kṛṣṇāyā goḥ sarūpavatsāyāḥ payasi
kṛṣṇaṣaṣṭikānāg sthālīpākag śrapayitvā kṛṣṇapañcamyāmudite
some tvamimā oṣadhīr (ā.gā.4.1.98.1) ityetenābhijuhuyāt
sahasrakṛtvaḥ śaṇāvaram | etenaivābhigīyoddhṛtya sabhāryaḥ
prāśnīyāt | surūpān dīrghāyuṣaḥ putrāṃllabhate
5. kaumbyaṃ ghṛtaṃ puruṣavratenābhijuhuyādanugānaśaḥ
uttareṇa sadā prāśnīyāt | surūpān dīrghāyuṣaḥ putrāṃllabhate
Linked texts (2)
- Sāmavidhānabrāhmaṇa — Sanskrit
- Sāmavedasya Brāhmaṇānyaṣṭau — Sanskrit