Samavidhi 10.2-2

10.2-2

1
prathamo'nuvākaḥ
dvitīyaḥ khaṇḍaḥ
1. trirātropoṣito bhadro no agnirāhuta
(grāma. 3. 12. 111.1) ityetenāhutisahasraṃ juhuyāt | sahasraṃ
labhate
2. audumbarīrvā samidho ghṛtāktāḥ sahasraṃ
juhuyāt | gā labhate
3. vrīhiyavānagnau juhuyāt | dhānyaṃ labhate
4. dvādaśarātropoṣita evā dyasi vīrayurityetenāhutisahasraṃ juhuyāt | grāmaṃ labhate | etā 15 śca ॰ sarvān
kāmānavāpnoti
5. śruṣṭāṣṭakaṃ (grāma. 10. 3. 371.1-8) prayuñjānaḥ
prathamena hiraṇyaṃ labhate ; dvitīyena dhānyaṃ ; tṛtīyena paśūn ;
caturthena putrān ; pañcamena grāmān ; ṣaṣṭhena yaśaḥ ; saptamena
brahmavarcasamaṣṭamena svargaṃ lokamavāpnoti
6. saṃvatsaraṃ gogrāsamāharedgāvāściddhā sa manyava
ityetenānantyāṃ vindate śriyam
7. vairūpāṣṭakaṃ (ā.gā.1.1.1.1-8) nityaṃ prayuñjāno
lakṣmīṃ juṣate
8. antyaṃ vā jānudaghna udake tiṣṭhan
9. nābhidaghne dhānyaṃ kakṣadaghne paśūnāsyadaghne
putrān grāmaṃ ca
10. anapekṣito vāsakṛd gītvottīrṇaḥ
sahasraṃ labhate
11. āhutisahasraṃ vā juhuyāt sāmānteṣu
svāhākāraiḥ
12. eteṣāṃ kalpānāṃ yathā bhūyastathā
śreyastathā śreyaḥ