Pañcaviṃśa (Tāṇḍya Mahā) Brāhmaṇa 203

203

(PB 19.1.1) athaiṣa rāṭ
(PB 19.1.2) yo rājya āśaṃsamāno rājyaṃ na prāpnuyāt sa etena yajeta rājaivainaṃ rājānaṃ karoti taṃ tu vairājeti vadeyur yaṃ rājā rājānaṃ kuryād rājaivainaṃ rājānaṃ karoti
(PB 19.1.3) chando 'nye yajñāḥ saṃpadyante stomam eṣa vīryaṃ vai stomo vīrya evādhy abhiṣicyate
(PB 19.1.4) aṣṭāv ekaviṃśāḥ saṃstuto bhavaty aṣṭau vai vīrā rāṣṭraṃ samudyacchanti rājabhrātā ca rājaputraś ca purohitaś ca mahiṣī ca sūtaś ca grāmaṇī ca kṣattā ca saṃgrahītā caite vai vīrā rāṣṭraṃ samudyacchanty eteṣv evādhy abhiṣicyate
(PB 19.1.5) kṣatraṃ vā ekaviṃśaḥ pratiṣṭhā kṣatrasyevāsya prakāśo bhavati pratitiṣṭhati ya evaṃ veda