Pañcaviṃśa (Tāṇḍya Mahā) Brāhmaṇa 55

55

(PB 5.9.1) ekāṣṭakāyāṃ dīkṣeran
(PB 5.9.2) eṣā vai saṃvvatsarasya patnī yad ekāṣṭakaitasyāṃ vā gatāṃ rātriṃ vasati sākṣād eva tat saṃvvatsaram ārabhya dīkṣante
(PB 5.9.3) tasya sāniryā yad apo' nabhinandanto 'bhyavayanti
(PB 5.9.4) vicchinnaṃ vā ete saṃvvatsarasyābhidīkṣante ya ekāṣṭakāyāṃ dīkṣante 'ntanāmānāv ṛtū bhavete
(PB 5.9.5) ārtaṃ vā ete saṃvvatsarasyābhidīkṣante ye 'ntanāmānāv ṛtū abhidīkṣante
(PB 5.9.6) tasmād ekāṣṭakāyāṃ na dīkṣyam
(PB 5.9.7) phālgune dīkṣeran
(PB 5.9.8) mukhaṃ vā etat saṃvvatsarasya yat phālguno mukhata eva tat saṃvvatsaram ārabhya dīkṣante
(PB 5.9.9) tasya sāniryā yat saṃmeghe viṣuvān saṃpadyate
(PB 5.9.10) citrāpūrṇamāse dīkṣeran
(PB 5.9.11) cakṣur vā etat saṃvvatsarasya yac citrāpūrṇamāso mukhato vai cakṣur mukhata eva tat saṃvvatsaram ārabhya dīkṣante tasya na niryāsti
(PB 5.9.12) caturahe purastāt paurṇamāsyā dīkṣeran
(PB 5.9.13) teṣām akāṣṭakāyāṃ krayaḥ saṃpadyate tenaikāṣṭakāṃ na saṃbaṭ kurvanti
(PB 5.9.14) teṣāṃ pūrvapakṣe sutyā saṃpadyate pūrvapakṣe māsāḥ saṃtiṣṭhamānā yanti pūrvapakṣa uttiṣṭhanti tān uttiṣṭhataḥ paśava oṣadhayo 'nūttiṣṭhanti tān kalyāṇī vāg abhivadary arātsur ime sattriṇa iti te rādhnuvanti