Rigvedashankhayaniyabrahmana 2.2

2.2

upasado 'gnihotre veditavyā unnīyottareṇa gārhapatyamupasādayati
tadimaṃ lokamāpnotyāhavanīye hoṣyandvitīyaṃ tadantarikṣalokamāpnoti
hutvā tṛtīyaṃ tadamuṃ lokamāpnoti pālāśīṃ samidhamabhyādadhāti somo
vai palāśaḥ sā prathamā somāhutiḥ prādeśamātrī bhavati prādeśamātraṃ
hīma ātmano 'bhi³ prāṇā dvyaṅgulaṃ samidho 'tihṛttyānudṛbdhannivvābhijuhoti dvyaṅgule vā idaṃ mukhasyānnaṃ dhīyate dhūmāyantyāṃ grāmakāmasya
juhuyājjvalantyāṃ brahmavarcasakāmasyāṅgāreṣu paśukāmasyābhyādhāyeti tveva
sthitamatra hyevaite sarve kāmā upāptā ityāhutī hutvā japati
yā yajñasya samṛddhasyāśīḥ sā me samṛdhyatāmiti yā vai yajñasya samṛddhasyāśīḥ sā yajamānasya bhavatyuttarāvatīrāhutīrjuhuyāduttarottariṇa
eva tatsvargāṃllokānāpnoti sruco bughnenāṅgārānupaspṛśati svarga eva
talloke yajamānaṃ dadhāti viṣvadīcīṃ srucamudyacchati rudrameva tatsvāyāṃ
diśi prītvāvasṛjati tasmāddhūyamānasyānuttarato na tiṣṭhennedetasyāghalasya
devasya pariprārdhe 'sānīti tāmuttarataḥ sāyamupamārṣṭi pratīcīmādityaṃ
tadakṣaṃ nayati dakṣiṇata ūrdhvā prātarādityaṃ tadunnayati yatpūrvamupamārṣṭi
tatkūrce nijhimpatyoṣadhīstena prīṇāti yadvitīyaṃ taddakṣiṇena kūrcamuttānaṃ
pāṇiṃ nidadhāti pitṝṃstena prīṇātyatha yadbhiḥ pradeśinyā prāśnāti
garbhānūpūrveṇa prīṇāti tasmādanaśnanto garbhāḥ prāṇanti vayāṃsyuttareṇa tasmādvayāṃsi baṅ kiṃca kiṃcidiva bhakṣayanti śvetamiva prajñāpayantya'tha
yatsrucā bhakṣayati bhūtaṃ ca tena bhavyaṃ ca prīṇātyatha yatsrucaṃ nirleḍhi
sarpadevajanāṃstena prīṇātyatha yatsrucaṃ mārjayate rakṣodevajanāṃstena prīṇātyatha yatprāgudīcīra2pa utsiñcati gandharvāpsarasastena prīṇātyatha yatprāgudīcīṃ3 sucamuddiśati rudrameva tatsyāyāṃ diśi dadhātyevamagnihotreṇa
sarvāṇi bhūtāni prīṇāti