Ṣaḍviṃśa Brāhmaṇa ("26th" book) 5.4

Ṣaḍviṃśabrāhmaṇabhāṣya (Sāyaṇa) 5.4

Language: Sanskrit

5.4

tatraivaṃ sati yathā loke kaścit samartha ubhayavartaninā ubhe vartanyau cakre yasya tena rathena yāṃ yāṃ diśaṃ gantuṃ prārthayate kāmayate tāṃ tāṃ diśam abhimukhaṃ prāpnoti, evaṃ tathaiva ubhayavartaninā, - ubhe vāṅ‌manase vartanyau cakrasthānīye yasya tena-, etena yajñena yaṃ kāmam iṣṭaṃ padārthaṃ kāmayate yajamānaḥ tamabhyaśnute abhitaḥ prāpnoti | tathā ca bahvṛcabrāhmaṇe paṭhyateatha kena brahmatvaṃ kriyata iti trayyā vidyayeti brūyāt | ayaṃ vai yajño yo'yaṃ pavate tasya vāk ca manaśca vartanyau vācā hi manasā ca yajño vartate (ai. brā. 5. 33. 2) iti |
brahmakartavyaṃ vāgyamanaṃ vidhātuṃ tatpraśaṃsārthaṃ tasya vāgvyavahāraṃ nindati-

Previous: 5.3
Next: 5.5
Up: 5

Linked texts (1)

Ṣaḍviṃśabrāhmaṇa — Sanskrit