Shashthapancika p29

p29

• 1 Evayāmarutam śaṅsati. pratishṭhā vā evayāmarut, pratishṭhām evāsya tat kalpayati 2 tam nyūṅkhayaty. annam vai nyūṅkho, 'nnādyam evāsmiṅs tad dadhāti 3 sa jāgato vātijāgato vā. sarvam vā idam jāgatam vātijāgatam vā 4 sa u māruta. āpo vai Maruta āpo 'nnam, abhipūrvam evāsmiṅs tad annādyam dadhāti 5 tāny etāni sahacarāṇīty ācakshaṭe: nābhānedishṭham vālakhilyā vṛishākapim evayāmarutam. tāni saha vā śaṅset saha vā na śaṅsed 6 yad enāni nānā śaṅsed, yathā purusham vā reto vā vichindyāt tādṛik tat, tasmād enāni saha vā śaṅset saha vā na śaṅset 7 sa ha Bulila Āśvatara Āśvir vaiśvajito hotā sann īkshāṁ cakra: eshāṁ vā eshāṁ śilpānām viśvajiti sāṁvatsarike dve madhyaṁdinam abhi pratyetor hantāham ittham evayāmarutam śaṅsayānīti. tad dha tathā śaṅsayām cakāra 8 tad dha tathā śasyamāne Gauṣla ājagāma, sa hovāca: hotaḥ kathā te śastram vicakram plavata iti 9 kim hy abhūd ity 10 evayāmarud ayam uttarataḥ śasyata iti sa hovācaindro vai madhyaṁdinaḥ, kathendram madhyaṁdinān ninīshasīti 11 nendram madhyaṁdinān ninīshāmīti hovāca 12 chandas tv idam amadhyaṁdinasācy. ayam jāgato vātijāgato vā. sarvam vā idam jāgatam vātijāgatam vā. sa u māruto. maiva śaṅsishteti 13 sa hovācāramāchāvakety. atha hāsminn anuśāsanam īshe 14 sa hovācaindram esha vishṇunyañgaṁ śaṁsatv, atha tvam etaṁ hotar uparishṭād raudryai dhāyyāyai purastān mārutsyāpyasyāthā iti 15 tad dhā tathā śaṁsayāṁ cakāra. tad idaṁ apy etarhi tathaiva śasyate 30 4