Taittiriyabrahmana 46.2

46.2

10atha daśamīmāha--he agne ? asmākaṃ mahate saubhagāya saubhāgyīya śardha utsahasva | tava saṃbandhīni dyumnāni uttamāni maṇimuktādīni dhanānyasmākaṃ santu | jāspatyaṃ jāyāpatibhāvaṃ suyamaṃ suṣṭhu niyataṃ samākṛṇuṣva samyak saṃpādaya | śatrūyatāṃ śātravamicchatāṃ puruṣāṇāṃ mahāṃsi tejāṃsi abhitiṣṭha abhita ākrāmasva | idaṃ mantradvayamāgneye karmaṇi draṣṭavyam | tatrottarasya vivāhakarmaṇyapi viniyogaṃ bodhāyana āha--"atha tathopaviśyānvārabdhāyāmupayamanīrjuhotyagne śardha mahate saubhagāya" iti || iti taittirīyabrāhmaṇabhāṣye dvitīyakāṇḍe pañcamaprapāṭhake dvitīyo'nuvākaḥ. 1tṛtīyānuvāke prathamāmṛcamāha--asmadīyāni dhanāni yāni naṣṭāni tāni sarvāṇi punarapi no'smabhyamindro dadātu | kīdṛśa indraḥ ? maghavā dhanavān śakraḥ śaktiyuktaḥ dhanyo dhanadānārhaḥ