Taittiriyabrahmana 46.3

46.3

¹⁰atha daśamīmāha—agnyādayaḥ tvaṣṭṛdevaparyantā ye daśa devāḥ santi teṣāṃ madhye ekaika eva no'smākramavasā rakṣaṇāya gobhiḥ samanaktu saṃyojayatu | yajñaiśca samanaktu | tvaṣṭā devo rūpāṇi putrapautrādiśarīrāṇyapi samanaktu | yaḥ sahastrīti savitṛviśeṣaṇaṃ, yaḥ sahasrasaṃkhyākaraśmiyuktaḥ so'yaṃ saviteti yojyam ||
¹¹athaikādaśīmāha—ayaṃ tvaṣṭā rūpāṇi putrādiśarīrāṇi dadātu | sarasvatī dadhatī dhārayitrī bhūyāt | pūṣā savitā bṛhaspatiśca pratyekaṃ no'smabhyaṃ bhagaṃ saubhāgyaṃ dadātu | indraḥ sahasraṃ sahasrasaṃkhyākaṃ godhanādikaṃ dadat dadātu | mitravaruṇasomāgniścaikaikaḥ sahasrasya dātā bhavatu | etacca mantradvayaṃ mitravindāyāmiṣṭau yājyānuvākye | tathā cāśvalāyanaḥ—“mitravindā mahāvairājī” ityādinodājahāra ||
iti taittirīyabrāhmaṇabhāṣye dvitīyakāṇḍe pañcamaprapāṭhake tṛtīyo'nuvākaḥ.