Taittiriyabrahmana 1.6.4.5
Taittirīyabrāhmaṇa 1.6.4.5
- Language
- Sanskrit
1.6.4.5
śamīparṇā́ny úpavapati /
ghāsám evá_ābhyām ápiyacchati /
prajā́patim annā́dyaṃ ná_upānamat /
sá eténa śata_ídhmena havíṣā_annā́dyam ávārundha /
yát paraḥśatā́ni śamīparṇā́ni bhávanti /
annā́dyasya_ávaruddhyai /
saumyā́ni vái karī́rāṇi /
saumyā́ khálu vā́ ā́hutir divó vṛ́ṣṭiṃ cyāvayati /
yát karī́rāṇi bhávanti /
saumyáyā_evá_ā́hutyā divó vṛ́ṣṭim ávarundhe /
kāyá ékakapālo bhavati /
prajā́naṃ kantvā́ya /
pratipūruṣáṃ karambhapātrā́ṇi bhavanti /
jātā́ evá prajā́ varuṇapāśā́n muñcati /
ékam átiriktam /
janiṣyámāṇā evá prajā́ varuṇapāśā́n muñcati //
Commentaries (4)
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Taittirīyabrāhmaṇaṭīkā — Sanskrit
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit