Taittiriyabrahmana 1.6.8.9

1.6.8.9

mṛtyúnā yájamānaṃ párigṛhṇīyāt /
yán ná paridadhyā́t /
rákṣām̐si yajñám̐ hanyuḥ /
dváu paridhī́ páridadhāti /
rákṣasām ápahatyai /
átho mṛtyór evá yájamānam útsṛjati /
yát trī́ṇi_trīṇi havī́m̐ṣy udāháreyuḥ /
tráyas_traya eṣā́m̐ sākáṃ prámīyeran /
ékaikam anūcī́nāny udā́haranti /
ékaika eváiṣām anváñcaḥ prámīyate /
kaśípu kaśipavyā̀ya /
upabárhaṇam upabarhaṇyā̀ya /
ā́ñjanam āñjanyā̀ya /
abhyáñjanam abhyañjanyā̀ya /
yathābhāgám eváinān prīṇāti //