Taittiriyabrahmana 2.4.5.7

2.4.5.7

índraś ca naḥ śunāsīrau /
imáṃ yajñáṃ mimikṣatam /
gárbhaṃ dhattám̐ svastáye //
yáyor idáṃ víśvaṃ bhúvanam āvivéśa /
yáyor ānandó níhito máhaś ca /
śúnāsīrāv ṛtúbhiḥ saṃvidānáu /
índravantau havír idáṃ juṣethām //
ā́ ghā yé agním indhaté /
stṛṇánti barhír ānuṣak /
yéṣām índro yúvā sákhā //
ágne índraś ca medínā /
hathó vṛtrā́ṇy apratí /
yuvám̐ hí vṛtrahántamā //
yā́bhyām̐ súvar ájayann ágra evá /
yā́v ātasthatúr bhúvanasya mádhye /
prácarṣaṇī́ vṛṣaṇā vájrabāhū /
agnī́ índrā vṛtraháṇā huve vām //