Taittiriyabrahmana 2.4.6.12

2.4.6.12

tátaḥ kṣaraty akṣáram /
tád víśvam úpajīvati //
índrā sū́rā janáyan viśvákarmā /
marútvām̐ astu gaṇávānt sajātávān /
asyá snuṣā́ śváśurasya práśiṣṭim /
sapátnā vā́caṃ mánasā úpāsatām //
índraḥ sū́ro atarad rájām̐si /
snuṣā́ sapátnaḥ śváśuro 'yám astu /
ayám̐ śátrūñ jayatu járhṛṣāṇaḥ /
ayáṃ vā́jaṃ jayatu vā́jasātau //
agníḥ kṣatrabhṛ́d ánibhṛṣṭam ójaḥ /
sahasríyo dīpyatām áprayucchan /
vibhrā́jamānaḥ samidhāná ugráḥ /
ā́_antárikṣam aruhad ágan dyā́m //