Taittiriyabrahmana 2.4.7.11

2.4.7.11

bráhma yajñásya tántavaḥ /
ṛtvíjo yé haviṣkṛ́taḥ //
śṛ́ṅgāṇi_iva_ít_śṛṅgíṇām̐ sáṃdadṛśrire /
caṣā́lavantaḥ sváravaḥ pṛthivyā́m /
té devā́saḥ sváravas tasthivā́m̐saḥ /
námaḥ sákhibhyaḥ sannā́n mā́_avagāta /
abhibhū́r agnír atarad rájā́m̐si /
spṛ́dho vihátya pṛ́tanā abhiśrī́ḥ /
juṣāṇó ma ā́hutiṃ mā mahiṣṭa /
hatvā́ sapátnān várivaskaraṃ naḥ /
ī́śānaṃ tvā bhúvanānām abhiśríyam /
stáumy agna urukṛ́tam̐ suvī́ram /
havír juṣāṇáḥ sapátnām̐ abhibhū́r asi /
jahí śátrūm̐r ápa mṛ́dho nudasva //