Taittiriyabrahmana 3.12.2.3

3.12.2.3

táṃ kā́mo 'bravīt /
prájāpate kā́mena vái śrāmyasi /
ahám u vái kā́mo 'smi /
mā́ṃ nú yajasva /
átha te satyáḥ kā́mo bhaviṣyati /
ánu svargáṃ lokáṃ vetsyásī́ti /
sá etám agnáye kā́māya puroḍā́śam āṣṭā́kapālaṃ níravapat /
kā́māya carúm /
ánumatyai carúm /
táto vái tásya satyáḥ kā́mo 'bhavat /
ánu svargáṃ lokám avindat /
satyó ha vā́ asya kā́mo bhavati /
ánu svargáṃ lokáṃ vindati /
yá eténa havíṣā yájate /
yá u ca_enad eváṃ véda /
só 'tra juhoti /
agnáye kā́māya svā́hā kā́māya svā́hā /
ánumatyai svā́hā prajā́pataye svā́hā /
svargā́ya lokā́ya svā́hā_agnáye sviṣṭakṛ́te svā́hā_íti //