Taittiriyabrahmana 3.12.2.4
Taittirīyabrāhmaṇa 3.12.2.4
- Language
- Sanskrit
3.12.2.4
táṃ bráhmābravīt /
prájāpate bráhmaṇā vái śrāmyasi /
ahám u vái bráhmāsmi /
mā́ṃ nú yajasva /
átha te brahmaṇvā́n yajñó bhaviṣyati /
ánu svargáṃ lokáṃ vetsyásī́ti /
sá etám agnáye kā́māya puroḍā́śam aṣṭā́kapālaṃ níravapat /
bráhmaṇe carúm /
ánumatyai carúm /
táto vái tásya brahmaṇvā́n yajñò 'bhavat /
ánu svargáṃ lokám avindat /
brahmaṇvā́n ha vā́ asya yajñó bhavati /
ánu svargáṃ lokáṃ vindati /
yá eténa havíṣā yájate /
yá u ca_enad eváṃ véda /
só 'tra juhoti /
agnáye kā́māya svā́hā bráhmaṇe svā́hā /
ánumatyai svā́hā prajā́pataye svā́hā /
svargā́ya lokā́ya svā́hā_agnáye sviṣṭakṛ́te svā́hā_íti //
Commentaries (4)
- Taittirīyabrāhmaṇakāṭhakabhāṣya — Bhaṭṭa Bhāskara Miśra Cikāeḍamaṇḍana, Sanskrit
- Jñānayajña on the Taittirīya Brāhmaṇa (Bhaṭṭabhāskara) — Bhaṭṭabhāskara Miśra, Sanskrit
- Taittirīyabrāhmaṇabhāṣya (Sāyaṇa) — Sāyaṇa, Sanskrit
- Taittirīyabrāhmaṇaṭīkā — Sanskrit
Linked texts (2)
- Kāṭhakabrāhmaṇa — Sanskrit
- A Vedic Concordance — Maurice Bloomfield, English