Taittiriyabrahmana 3.12.4.3

3.12.4.3

tám̐ śraddhā́_abravīt /
prájāpate śraddháyā vái śrāmyasi /
ahám u vái śraddhā́_asmi /
mā́ṃ nú yajasva /
átha te satyā́ śraddhā́ bhaviṣyati /
ánu svargáṃ lokáṃ vetsyásī́ti /
sá etám āgneyám aṣṭā́kapālaṃ níravapat /
śraddhā́yai carúm /
ánumatyai carúm /
táto vái tásya satyā́ śraddhā́_abhavat /
ánu svargáṃ lokám avindat /
satyā́ ha vā́ asya śraddhā́ bhavati /
ánu svargáṃ lokáṃ vindati /
yá eténa havíṣā yájate /
yá u ca_enad eváṃ véda /
só 'tra juhoti /
agnáye svā́hā śraddhā́yai svā́hā /
ánumatyi svā́hā prajā́pataye svā́hā /
svargā́ya lokā́ya svā́hā_agnáye sviṣṭakṛ́te svā́hā_íti //