Taittiriyabrahmana 3.12.4.5

3.12.4.5

táṃ máno 'bravīt /
prájāpate mánasā vái śrāmyasi /
ahám u vái máno 'smi /
mā́ṃ nú yajasva /
átha te satyáṃ máno bhaviṣyati /
ánu svargáṃ lokáṃ vetsyásī́ti /
sá etám āgneyám aṣṭā́kapālaṃ níravapat /
mánase carúm /
ánumatyai carúm /
táto vái tásya satyáṃ máno 'bhavat /
ánu svargáṃ lokám avindat /
satyám̐ ha vā́ asya máno havati /
ánu svargáṃ lokáṃ vindati /
yá eténa havíṣā yájate /
yá u ca_enad eváṃ véda /
só 'tra juhoti /
agnáye svā́hā mánase svā́hā /
ánumatyai svā́hā prajā́pataye svā́hā /
svargā́ya lokā́ya svā́hā_agnáye sviṣṭakṛ́te svā́hā_íti //