Taittiriyabrahmana 3.2.6.4

3.2.6.4

yā́vad ékā devátā kāmáyate yā́vad ékā /
tā́vad ā́hutiḥ prathate /
ná hí tád ásti /
yát tā́vad evá syā́t /
yā́vaj juhóti /
prāṇā́ya tvā_apānā́ya tvā_íty āha /
prāṇā́n evá yájamāne dadhāti /
dīrghā́m ánu prásitim ā́yuṣe dhām íty āha /
ā́yur evá_asmin dadhāti /
antárikṣād iva vā́ etā́ni práskandanti /
yā́ni dṛṣádaḥ /
devó vaḥ savitā́ híraṇyapāniḥ práti gṛhṇātv íty āha prátiṣṭhityai /
havíṣó 'skandāya /
ásaṃvapantī pim̐ṣā_aṇū́ni kurutād íty āha medhyatvā́ya //