Taittiriyabrahmana 3.7.1.9

3.7.1.9

sā́_evá tátaḥ prā́yaścittiḥ /
ardhó vā́ etásya yajñásya mīyate /
yásya vrátyé 'han pátny anālambhukā́ bhávati /
tā́m aparúdhya yajeta /
sárveṇa_evá yajñéna yajate /
tā́m iṣṭvā́_upahvayeta /
ámū hám asmi /
sā́ tvám /
dyáur ahám /
pṛthivī́ tvám /
sā́māhám /
ṛ́k tvám /
tā́v éhi sáṃbhavāva /
sahá réto dadhāvahai /
pum̐sé putrā́ya véttavai /
rāyás póṣāya suprajāstvā́ya suvī́ryāya_íti /
ardhá evá_enām úpahvayate /
sā́_evá tátaḥ prā́yaścittiḥ //